【戰況R2】開齋兼拎150萬特別獎金 廖康銘話草地都得

第2場三班泥1650米，步速唔快，理論上係會利前置馬，不過最輕磅的「精英雄心」，排9檔留到好後，但彎位一段趁馬群拉開唔遠，班德禮開始發力進佔有利位置，直路加速力更是驚人，結果輕鬆壓下亞軍大熱門「精彩動力」同埋季軍內欄後上的「柏林探戈」，呢匹外地兩出兩勝馬，在港跑到第6仗成功出頭。

連勝3日贏到第26W嘅廖康銘，話「精英雄心」之前唔太成熟，但隨住出賽經驗增加，隻馬都愈跑愈好，上場都係好好證明，雖然今日喺泥地補中，但練者相信此駒唔係淨係泥地可以，草地一樣可應付裕如。今場喺三班開齋，班德禮又造到輕磅，又可以幫馬主團體贏150萬特別獎金，非常高興。

第2場賽果：9-4-1-8

二重彩賽果：9-4(最後賠率19)