爭冠一場都不能少　威哥打王牌出擊

踏入季尾，冠軍練馬師之爭進入白熱化階段，伍鵬志同呂健威各得65W，Pierre 目前憑較多亞軍壓過威哥排榜首。

力求爭冠，兩位練馬師都精銳盡出，當中呂廐派出「哈羅威」打王牌出戰第5場四班1200米，此駒上兩仗於艾兆禮胯下跑同班同程，結果皆得第4。

今仗續騎「哈羅威」嘅艾兆禮表示馬匹上兩仗表現都十分出色，雖然仲係比較稚嫩，但最尾都交出唔錯嘅走勢，我星期一（6月24日）操過「哈羅威」，帶咗眼罩令到隻馬更加集中，今晨再操感覺隻馬有進步，下星期一（7月1日）抽到1檔，絕對有競爭力。