周四單箭頭無所謂　丁師傅周末好戲派！

丁冠豪尋日憑「聚風雲」建功後，季內頭馬數字增至12場，換言之只爭兩場就夠數上岸，仲有4次賽事，相信佢都想把握最後機會。不過，周四跑馬地賽事，丁師傅只係得「飛馬將軍」單箭頭出擊，跑第6場四班谷草1800米，加上馬匹近況一般，要爭頭馬似乎有難度。

不過，馬會啱啱公布咗今個禮拜六沙田黃昏賽報名表，原本丁冠豪等到呢日先至全力出擊，派7駒報名全部都係正選。當中包括兩匹新勝馬「魯班精神」、「同得威」，前駒升上三班跑田草1200米，新馬「同得威」就插班跑1400米。其餘仲有試閘走勢唔差嘅初出馬「假日福星 」，睇嚟丁師傅真係晒冷求達標，值得留意。