【獨門秘技】又排外檔　換布文幫到手

希斯暫時勝出47W，乃重返香港開倉後成績最好一季，之前幾季都有頭威冇尾陣，但今季希廐馬頗多季初弗到季尾，看來已找到竅門，下季有望再進。

今期谷戰希廐5駒列陣，第1場五班1650米，「喜勝威龍」有望打響頭炮，無疑跑25次只贏一場勝出率低，但上季其實在四班已一再跑得好，今季落到五班自然更着數，大前仗於同程跑啱步速，即彈開「贏盡天下」及「馬上旺」兩匹五班中堅兩個多馬位，可見實力，勝後兩戰演出都走樣，同樣排外檔沿途蝕盡形勢，黃智弘明顯未能駕馭，走勢其實都不差，今次又外檔但布文操刀，應有不同演繹。

■西門獨