退休後有乜搞？　潘頓：老婆想我留低開倉

一哥潘頓今年已經41歲，佢喺2022年曾經講過會喺兩年內退休，所以潘頓嘅去向一直受到大眾關注，但由於佢已經獲馬會派發2024/2025年度全季騎師牌照，意味潘頓至少會喺香港騎多一季。

潘頓最近受訪時提到，佢太太Nicole希望潘頓退休之後留喺香港開倉，成為練馬師。潘頓話Nicole好積極咁推動呢件事，仲已經同馬會及馬主講希望潘頓可以留低做練馬師。而潘頓指如果最後做唔到練馬師，就會翻悉尼開始新生活。

而要喺香港開倉通常有兩種途徑，第一係喺海外成為練馬師後被馬會挖角，第二係馬會提升本地副練馬師。過往就只有告東尼同韋達兩個冠軍級騎師，係從騎師轉型為練馬師，而潘頓就符合呢個準則。