【大跑道】潘頓獨操福星

周五朝有兩匹參戰馬到大圈出試，「陽光勇士」由助手跳一段，扣住慢試輕舒步頭，神態軒昂，有火有力，弗到不得了。「威之星」由助手踱一圈，急口馬表現淡定，身壯色潤，外觀討好。以下是心水推介：

第4場「機械騎士」轉投伍廐兩戰都跑得好，前仗跑正常場地檔差留後，上仗就跑濕慢泥變陣搶放，踏上正軌，今戰仍加面箍志在必得。事實上，「機械騎士」剛周三戴面箍出跳勁之餘，仲要唔心急，對這個新配備好受落。

第6場「勁好運」台型出眾卻成績普通，其實過往晨課表現已顯示一切，成日郁身郁勢，出跳例搶口，為此近期除去頭罩出試，此一改動效果理想，上述缺點盡改，近兩課出跳更神閒氣定，完全變成另一匹馬！

第10場「福星」曾於5月23及5月24日缺課，之後3日只在機坪操練，幸好6月初做番快工夫未有大礙，之後例課無缺，操練更不斷增強，而潘頓剛周四朝到場只為「福星」出試，高度重視。