6度同場贏5次　轉戰谷草又會點？

唔知點解，總喺有啲馬好似歡喜冤家咁，經常同場較量，好似禮拜三谷戰第6場二班1650米，「魅影獵飛」與「黃腳鱲」再次同場，亦係佢哋季內第7次一齊較量，只係今次嗰戰場由泥地變成谷草，唔知結果又會點呢？

「魅影獵飛」、「黃腳鱲」對上6次對碰都係跑泥地1650米，除咗去年12月初嗰次由「黃腳鱲」一放到底掄元，其餘5次都係「魅影獵飛」先過終點，當中攞到3W，今年1月初有一次就係「魅影獵飛」跑第2名，「黃腳鱲」只得季軍，而5月尾佢哋就喺二班泥地1650米包Q，當然又係「魅影獵飛」贏啦。

如果睇往績，「魅影獵飛」實力似乎真係比「黃腳鱲」強啲，但純粹係泥地範疇，今次佢哋喺谷草1650米較量，「魅影獵飛」草地能力一向低啲，反而「黃腳鱲」對上兩次跑谷草一哩取得1冠1亞，咁今次能否反先「魅影獵飛」？真係跑過先知喇。