丁仔差2W...今期要贏先有價講！

嚟到呢一刻，徐雨石已經上咗岸，另一位前景未明的容天鵬，都收到通告，下季有牌呀，啪啪啪~不過丁仔就斯人獨憔悴，全香港練馬師暫時得佢一個冇著落，剩低兩次賽事，丁仔差2W先畢到業，話多唔多...話少又唔少，好睇造化喇...

丁冠豪嚟緊周日煞科5駒報名，但似乎得一隻新勝馬「聚風雲」機會較突出，另外「大將鵰神 」、「合金皇」嗰啲，頂多P咋....所以今次周中谷草夜賽，丁仔一定要有馬贏先有價講，頭場五班谷1000米，佢匹「錢途光明」剛周末勁勢追入第2，今次匆匆再來，力短馬排個3檔，黃金機會呀。至於第2場匹「勝利同盟」，長途貨季內都熱夠晒身，如果唔係馬會修例，非從化倉減到14W達標，兼取取消埋五班例，丁仔車尾燈都見唔到呀，依家至少仲有機會趕上尾班車，盡人事喇！