【分秒在握】艾兆禮接手釣大魚

2024年07月10日 01:00
東網電視
更多新聞短片
「黃腳鱲」兩戰谷中一哩非冠即亞。
如果最終呂健威未能封王,怕且馬迷會記住希威森的兩次論盡發揮,一次係「禪勝輝煌」甩腳踏僅僅負於「錶之銀河」,另一次係「精英勇士」發揮論盡失諸交臂,今次騎者停賽,「黃腳鱲」換上艾兆禮,必追多次。
「黃腳鱲」上季尾打開勝門,踏入今季轉5歲大爆發,先在田草力擒「神虎龍駒」,繼而在泥地大炒「無心睡眠」,季尾則在谷草擊退「浪漫老撾」,一季之內完成3地頭馬,的確難度甚高。
值得留意,係季尾時間跑道偏差嚴重,「黃腳鱲」憑藉主動跑法,往往可佔形勢之利,早在5月時,此駒出爭谷中一哩就係一放到底。上仗此駒重遊勝途,人人以為馬匹會搶頭走,但希威森卻稍留跟3、4位,中段時因步速慢,「智取神駒」及「喜蓮勇感」搶上帶頭,但「黃腳鱲」依然按兵不動,直至去到直路,馬群散開後,馬匹沿欄力追,眼看勝利在望之際,卻不敵「亞機拉」的後勁。
此一戰役,證明了「黃腳鱲」縱使稍留,一樣可發揮威力,今次同場「好友心得」配上潘頓,以鞍上人的習性,必然不會盡搶,而「黃腳鱲」無論係放頭又或稍留,都有機會賺到步速形勢之利。
■長風
第6場 6黃腳鱲  3亞機拉
    1喜蓮勇感 5超超比