【場地點樣】夜賽壓軸篇 今晚B欄夜賽跑好地

2024年07月10日 11:00
東網電視
更多新聞短片
跑馬地今晚舉行馬季壓軸夜賽,預測場地為「好地」。
跑馬地馬場今晚舉行馬季壓軸夜賽,9場草地賽事將以移欄B跑道進行角逐,溫馨提示將會較過往9場開跑時間提前5分鐘,今晚頭場開跑時間,將會係晚上6時35分。
就今晨場地預測掛牌「好地」,度地儀指數為2.71,雖然今晨局部地區有雷暴,但雨勢並非太大,持續炎熱天氣,估計今晚場地大致正常,分屬季內最後一次谷戰,當然期望可以場地愈跑愈快。
總結今季谷草B欄夜賽,10次賽事合共88場,騎師贏馬最多係11W嘅布文,上名次數就較少,反而取得10W嘅潘頓,上名率就高好多,咁啱兩位騎師,响上季煞科谷草夜賽都有馬贏,潘頓更加係連中三元。
其實上季煞科谷草夜賽,值得一提就係唔只潘頓中三元,另一位就係霍宏聲,再加埋希威森起孖,9場賽事就由4位外籍騎師玩晒,不過今晚就少咗位停賽嘅希威森,餘下3位,睇吓係咪可以重溫好夢。
至於本地騎師之中,鍾易禮也是B欄特佳,今季取得8W,而對上一次於6月12日舉行之B欄夜賽,鍾易禮配合東廐中三元攻勢,當中更以「東來欣賞」與「亞機拉」起孖,自此就再未有進帳,把握今次有利形勢,有望响季尾重響勝鼓。