香港從練有多好 廖康銘熱切期待首個長假

2024年07月10日 12:12
東網電視
更多新聞短片
廖康銘熱切期待從練首個悠長假期。
廖康銘來港發展,首季表現已經企穩陣腳,尤其係季尾階段,頭馬數字繼續有增長,就以對上7期賽事,只得1期斷纜,其餘次次有馬贏,令到唔少大牌倉口都被比下去,尚餘兩期賽事準備抖暑,佢就話最熱切期待從練以來嘅首個悠長假期。
對比起過往於悉尼從練,廖康銘認為馬季年終無休,比起騎師生活,練馬師要管理整個馬房運作,馬匹操練以至出賽事宜,即使忙中偷閒去放假,期間亦要透過電話及電腦安排所有工作,比起香港馬季之間,有7個星期的抖暑期,今年終於可以真正與家人享受到假期的樂趣,起碼頭3個星期可以徹底放下手頭工作,待充電後返港以最佳狀態投入工作。
雖然熱切期待,但廖康銘對於餘下2次賽事,表示絕唔會放軟手腳,正如今戰力求添食嘅「年少多好」,上周四曾經由佢親自試草地。其實阿Mark不時都會參與操馬工作,心水清嘅馬迷,亦發覺賽前由佢親自仄試嘅有賽程馬,表現都好硬淨,最近一匹頭馬就係轉場泥地嘅「精英雄心」,今次再有呢匹贏完嘅「年少多好」,不計冷熱,戰意都係毋庸置疑。