黑夜之神落後1W 誓要重奪谷戰王美譽

2024年07月10日 14:50
東網電視
更多新聞短片
方嘉柏為重奪谷戰王美譽,壓軸一戰不能掉以輕心。
今晚季內跑馬地最後一戰,賽事焦點當然係伍鵬志同呂健威嘅冠軍大戰,但總結今季谷草成績,誰是谷戰王仲要鬥埋呢個回合,事關向來谷戰做主場嘅方嘉柏,目前31W排第2,只相距榜首嘅沈集成1W。
方嘉柏上季谷草贏得30W,屈居33W嘅呂健威之後,今季要重奪谷戰王美譽當然唔可以掉以輕心。方嘉柏今晚搵來何澤堯領軍,「九秒九」與「尋寶勇士」打王牌出戰,後駒匆匆再跑求補中。
至於沈廐大軍,二班1650米既有「超超比」與「喜蓮勇感」雙龍出海,仲有田泰安出戰嘅「勇晉當銳」,以及上場殺入大冷腳嘅「金狀元」,兩路大軍對撼,谷戰王誰屬,今晚必有精彩激鬥。