日本第1、2名齊齊休息 川田將雅抖兩星期

2024年07月11日 09:12
東網電視
更多新聞短片
為咗健康着想,川田將雅透露將會休息兩個星期。
早前喺JRA騎師榜排榜首嘅李慕華早前喺6月尾向日本傳媒表示會休息4個星期,而原本以82W落後榜首李慕華3W嘅川田將雅,把握對手休息嘅時候拎到4W,目前以86W反壓李慕華升上榜首。升上榜首之後,川田將雅尋日喺社交媒體宣布會休息兩個星期。
川田將雅表示近年每個周末都要上陣,仲要出席平時地方交流,加上近年較多出外遠征,身體開始出現警號,為安全起見已接受身體檢查,並開始為健康着想。川田為自己突然休息致歉,並表示希望可以盡快恢復,再次以健康嘅身體上場策騎,讓馬迷可以享受賽馬嘅樂趣。