改用巫顯東 救到帝國嗎?

2024年07月11日 09:52
東網電視
更多新聞短片
經過漫長嘅馬季,終於到咗煞科嘅日子,同時亦係啲低分馬逃出生天嘅最後機會,尋晚跑馬地賽事,只得22分嘅「友誼至佳」正正贏馬搶分成功,唔使硬性退役。到咗禮拜日馬季最後一戰,都有兩場五班賽事,就係頭場五班田草1200米同埋第3場五班田草1400米,兩場各自有兩匹低過26分嘅馬要救亡,分別係「皇龍帝國」、「綫路光明」及「爸巴閉」、「麒麟」,最終邊一隻救得番?
如果講質素同能力,「皇龍帝國」曾經贏過兩W,可惜呢兩季表現麻麻,今季頭5次出賽名次都係雙位數,近兩仗跑田草1400米都取得第5名攞到獎金,兩次都係放頭,拉士力弱,走勢有啲起色,既然兩次1400米都放唔到,今次回師贏過嘅田草1200米,都算非常合理,當然鞍上人田泰安變成巫顯東,唔會畀到人太大信心,但孭到113磅,抽5檔亦唔算太差,如果畀呢隻馬放到出嚟,隨時咩事都可以發生。