全哥三路興兵 勢做爭冠攔路虎

2024年07月11日 13:08
東網電視
更多新聞短片
羅富全派3駒上陣時,成績都唔錯。
羅富全喺星期日第8場一班1600米賽事中排3駒出賽,包括「知足常樂」、「發財先鋒」同「保羅傳承」,而全哥喺開倉以嚟試過48次同場派3駒上陣,當中贏咗14次,勝出率接近30%。
喺呢14場當中,當然唔可以唔提2018年打吡大賽,全哥派出「添滿意」、「達龍駒」同「妙算達人」出賽,最終憑「添滿意」贏出呢場大賽。而今仗有份上陣嘅「保羅傳承」就曾經3次喺羅廐同場派3駒時取勝,「發財先鋒」亦試過一次。就睇吓全哥星期日呢三匹馬,會唔會阻止到呂健威馬房嘅「禪勝輝煌」,左右爭冠形勢啦。