全力搶頭胡 陳嘉熙再次化身戰鬥英雄

2024年07月11日 13:48
東網電視
更多新聞短片
陳嘉熙於煞科戰獨出頭場「戰鬥英雄」。
周日煞科戰,雖然唔係場場爆滿,但騎練陣容就大晒冷,尤其係騎師方面,人人有坐騎,不過全場最冷落,就係陳嘉熙只得一匹坐騎,頭場只為「戰鬥英雄」效力,以Alfred嘅支持度,就只能重質不重量,對於呢匹嫡系坐騎,佢就肯定更加有感情。
喺對上兩季嘅成績,「戰鬥英雄」成為佢頭馬之中重要角色,尤其上一季更加成為佢最後一場頭馬,仲要捧走李福深盃,今季就於煞科日再度上陣,而Alfred自從4月中策騎呢匹馬於谷戰起步落樓後,再跑3仗都無預佢份,今次重掌帥印,跑番上季爆大冷贏馬嘅田草1200米途程,喺呢場五班水鬥水場合,睇嚟又唔似志在參與咁簡單。
其實陳嘉熙絕對係騎得之人,正如剛剛沈集成畀機會,喺日賽又憑「有派頭」爆冷再贏李福深盃,更何況今次再騎「戰鬥英雄」,上季尾爆冷仲係四班頭馬,今場更加重返五班,機會呼之欲出。