五班賽仲有4件 爭取最後救馬機會 

2024年07月11日 15:10
東網電視
更多新聞短片
「麒麟」今季仲識贏,寄望最後一戰可以成功救馬。
剛剛星期三夜賽,韋達旗下嘅「友誼至佳」取得寶貴勝利,22分贏完加分就可以留番低,當然要恭喜馬主,呢個星期日,剩低兩場五班賽,各有2匹仲喺淘汰邊緣掙扎,分別係第1場:「皇龍帝國」(19分)、「綫路光明」(17分),第3場:「爸巴閉」(22分)、「麒麟」(20分)。
4匹馬之中,最低分「綫路光明」呢匹ISG,上季尾成功把握機會贏番場,由20分加至26分僥倖存活,不過贏馬係喺谷草,田草至今10戰全敗,想再次護級成功,的確有難度。
「皇龍帝國」與「爸巴閉」,兩駒更加一併出自徐雨石,馬匹今季表現,一如馬房相當弱勢,煞科再有兩駒被淘汰,以徐廐有限兵源,自然買少見少。
剩低希斯旗下「麒麟」,亦係4駒之中,今季唯一可以交出頭馬,雖然只係泥地一哩,其實來港初期亦一再於田草1400米上名,以近兩場再戰呢個路程一再接近嘅表現,呢場亦係擺到明盡地一煲,用湯普新示人以弱,睇吓會唔會有意外驚喜。