成績麻麻 黎昭昇聽朝包起一組泥閘

2024年07月11日 15:42
東網電視
更多新聞短片
黎昭昇聽日包起一組泥閘。
唔係個個從練第2季都好似伍鵬志咁犀利,成為爭冠分子,目前仍在練馬師榜領先。同樣第2季在港開倉嘅黎昭昇,今季暫時只得30場頭馬,比上季35W少咗5場,即使佢喺禮拜日煞科戰強陣出擊,斷估都唔可以贏多過5場,超越上季頭馬數目啩。
既然成績冇預期咁好,倒不如提早為下季籌謀好過啦。啱啱禮拜二由於出試馬匹數目不足,結果取消嗰朝嘅例常泥閘,反而聽朝有兩組泥閘,分兩組合共8駒出試。第1組泥閘文家良、廖康銘各有兩駒,而第2組1050米泥閘,就畀黎昭昇包場,全組4駒出自黎廐,都係52分PPG,分別係「八駿高昇」、「聯歡兒」、「鋼鐵戰士」同埋「飈誌」,後駒更由潘頓親自考驗,比較特別。