【18對2】威哥贏在質新馬夠多夠勁？

伍鵬志季中曾大幅拋離對手，但最終以點數鬥輸畀呂健威，事後睇好可能係舊馬見盡、而質新馬未有接班成主因。睇番伍鵬志今季J布馬，只係交出4W，反觀呂健威J布馬卻交出10W，J158「安康萬里」3捷就是箇中表表者。而若以年齡層分布，呂廐剛季2歲及3歲後生馬，係合力締造多達18W，數字比起眾所周知的PPG之王蔡約翰13W更多，代表作有「禪勝輝煌」今季未轉4歲前4捷，而煞科日「包裝天將」及「遙遙領先」兩匹功臣，同樣都係3歲生牯仔，此類馬佔呂廐總頭馬近26%即4分1數字；至於伍鵬志，練者今季69W中，只有兩隻「友瑩仁」及「初戀」係3歲馬身份摘W，所佔百分比不足3%，去到季尾大家靠質新馬搶分時，伍鵬志無疑是身處下風。