君子之爭　伍鵬志呂健威沙田馬場來個大合照！

伍鵬志剛季在練馬師榜首長期高踞榜首，不過佢嘅前波士呂健威不甘示弱，喺季中階段開始愈追愈近，結果兩位嘅冠軍練馬師之爭就上演咗足足幾個月，仲要鬥到沙田煞科日先分到勝負，兩位就連亞軍都唔放過，最後呂健威喺第10場憑「好勁力」以1亞之先領先伍鵬志，去到尾場再以「手機錶霸」取勝，贏夠70場頭馬稱冠。兩位爭冠嘅刺激程度簡直同葉楚航與告東尼喺2012至2013年爭冠有得揮呀！

呂健威賽後都話，抖暑都未有計劃要出海外旅行，今日(17日)伍鵬志馬房社交平台就上載咗兩張相，原來伍鵬志呢刻仍未離港旅行，仲喺沙田馬場遇上呂健威，來番張世紀大合照！伍鵬志亦祝賀呂健威成為冠軍練馬師。兩位剛季戰至最後一兵一卒，即使Pierre飲恨未能首奪冠軍練馬師，都已經值得大家拍手掌啦！