羅理雅先贏得甜頭　麥道朗復出食尾胡保3W優勢

麥道朗早前因為膽石問題缺陣，經過休養之後，為保持冠軍騎師，今日就喺肯辛頓馬場復出，當地舉行7場賽事，結果麥道朗喺尾場策騎West of Africa勝出，取得今季第84W。

而目前排次席嘅羅理雅就喺第6場騎Little Couktreau掄元，以為可以追近1W，最終只能各一平手，目前取得81W，落後榜首嘅麥道朗仍差3W。

跑埋今日，當地目前仲有4期賽事，羅理雅要喺7月24日停賽，意味佢得番3個賽期去追麥道朗，必然要力炒到尾。

至於同日其他賽事，響大家留意老麥火併羅理雅之際，原來真係漁人得利，頭5場賽事由兩位騎師玩晒，分別係史卓豐中三元、高力德起孖。