李慕華堅韌力再合體　不過唔係響日本...

日本Carrot Club賽馬集團今日官宣，旗下去年菊花賞得主「堅韌力」，下月決定遠征英國，响約克馬場舉行嘅伊波賽期，出戰重頭戲國際錦標，而且搵番佢菊花賞嘅贏馬拍檔李慕華，執掌呢場大賽帥印。

「堅韌力」貴為去年菊花賞得主，原本今年復出於G2金鯱賞跑第2表現不俗，但接住鎖定目標春季天皇賞，卻因為李慕華於杜拜受傷，結果換上戶崎圭太，表現大為走樣。自4月底落敗之後，至今未有再度安排上陣。

練馬師尾關知人透露，「堅韌力」現時响福島縣北方牧場放草，亦都一直留意此駒狀態進展，復原得唔錯，預計稍後進行隔離，8月初就會安排佢飛往英國。