【如果我是演員】希威森：我係里安納度狄卡比奧！

好多騎師出嚟講嘢，都話做騎師係自小以來嘅夢想。如果叫佢哋轉一條跑線，又會有咩結果呢？

希威森來港發展4季，成績開始平穩，愈騎愈有信心，但如果佢唔係做騎師，而走去做歌手，會係咩結果呢？希威森表示雖然自己唔識唱歌，但如果佢係一位歌手，相信會係Justin Bieber。如果做演員嘅話，佢將會係奧斯卡影帝里安納度狄卡比奧。

騎師身為運動員，但同其他運動又好似唔一樣，如果希威森參與另一項運動員嘅話，佢認為自己應該會變成一級方程式賽世界冠軍車手韋斯塔本。如果佢係一條賽道，佢形容自己會係跑馬地馬場，因為大部分人都想感受快活谷嘅樂趣，場內充滿娛樂性，而且呢條賽道獨特及美麗。

至於如果係一隻動物，希威森覺得自己係一隻忠誠且誠實嘅小狗，係人類最好嘅朋友。