川田將雅周末新潟復出　自爆養傷首周無法站立！

著名日本騎師川田將雅，本月上旬就喺社交平台宣布需缺陣兩個星期。川田將雅當時表示，近年每個周末都要出賽，加上出國遠征次數頻密，故身體亮起警號，需接受身體檢查。期間「冠威」由橫山武史接手贏G3水星盃，當然有損失，但始終身體要緊嘛！

兩個星期後，川田將雅將於今個星期喺新潟競馬場復出。川田將雅昨日(25日)復課，並接受日本傳媒訪問，提及身體狀況。騎者表示，自己接受詳細身體檢查後，肌肉、內臟等冇出現問題，不過由於神經痛楚，故有必要休息兩個星期，專心治療。

川田將雅又指，自己喺7月7日於小倉競馬場跑晒咁多場賽事之後，髖關節痛到郁都郁唔到，當晚留喺調整室休息，而養傷首周幾乎臥病在床，無法站立，雖然經過兩周後，神經疼痛已消退，但未能搵出原因，所以都會繼續進行治療。