黃寶妮興奮又期待：與頂級騎師競逐感覺太好

黃寶妮新季獲發見習騎師牌照在港出道，對於佢，甚至馬迷都感到興奮。黃寶妮表示一直有留意香港賽事，依家機會突然出現喺眼前，能夠與頂尖騎師喺賽場上競逐，感覺實在太好。

黃寶妮回憶喺南澳受訓期間，一直表現都好好，早陣子仲有馬贏，但突然之間因為簽證問題，一切變得停滯不前，佢仲以為簽證問題可於一兩個星期就得以解決，但事實並非如此，當刻感覺非常沮喪。

黃寶妮喺南澳嘅騎術教練Dean Pettit表示，黃寶妮喺當地度過咗美好嘅時光，大家經歷咗令人興奮嘅時刻，依家黃寶妮要離開，確實有啲遺憾。不過，大家都期待黃寶妮返港後取得頭馬。同時，Dean Pettit亦感謝合作夥伴香港賽馬會，鍾易禮與黃智弘返港後取得成功，佢相信黃寶妮亦一樣。