【世界觀】英皇錦標利大熱

根據近20年數據，英皇錦標係大熱門天下，有10匹成為終極冠軍，另有5匹大熱就算贏唔到都保住三甲一席。騎師方面，莫雅同布宜學兩大高手，係呢項哩半大賽近20年表現最好嘅騎師，莫雅先後響2009同2016年，憑「水到渠成」同「高地之舞」捧走英皇錦標；布宜學響2011同2021年策 「天賜寶駒」及「雅大爺」兩度脫穎而出，今次兩位當時得令嘅頂級好手，分別夥拍擂台躉「多產巨匠」同近4戰全勝嘅「桀驁之戀」，隨時一Q返來。