初來埗到好陌生　3歲馬仔踢極唔郁

容天鵬馬房在周一(22日)的開操當天，已派馬匹出機坪踱步熱身，整體流程十分暢順，今早其中一匹賽駒「風再起時」如常操練，由助手踱步10分鐘，不過完成任務後行返馬房期間突然四腳滯立，踢都唔肯郁，鞍上人無奈落馬，檢視一輪再牽引返倉，相信只是稚嫩未純，並無大礙。

「風再起時」是澳洲3歲自購馬，今個星期才正式投入操練，父系Justify，母系Fine Scent，在港同父系馬匹有「龍之珍」。「和平波」、「難以置信」及「凡凡有餘」等，馬主戴煥成與戴銘堃，以往飼養過「乘奔御風」、「一簾風月」及「麯院風荷」，只有「一簾風月」未贏過馬，看來對「風」字更是情有獨鍾。