潘明輝開操顯本領　東東連續兩朝為米高效力

踏入8月，除咗有唔少練馬師蒲頭之外，亦陸續有騎師開操，早前去咗日本旅行嘅潘明輝今日開操，並親自策騎兩駒踱步，分別係羅富全馬房嘅「本領非凡」，以及姚本輝馬房嘅「運高八斗」。睇番上季資料，潘明輝18場頭馬中，有6W來自姚廐，亦有3場出自羅富全馬房，絕對係佢最大支持者，難怪今朝開工立即同呢兩個馬房操馬，梗係想繼續維持合作關係啦。

另外，巫顯東尋日已經開操，為第一個復操嘅騎師。巫顯東連續兩日都係操鄭俊偉馬房嘅馬，分別係「運來伍寶」、「樂矚心機」、「喜悅一生」，以及「東昇鉞」4駒，其中「喜悅一生」上季初曾於佢胯下取得亞軍，睇吓新馬季可否再次策騎此駒上陣。