停賽18日！何澤堯英國之旅即時終止　

何澤堯喺香港馬季抖暑期間，向世界出發策騎，第一站就係英國，雖然吸收到唔錯嘅經驗，但就付出代價，佢因為先後3度犯規，累積被罰停賽18日。

何澤堯先喺英國潘德法馬場出戰，當地打鞭規則上限為6鞭，但佢對坐騎鞭策咗8下，故被罰停賽7日。去到英國光榮古活賽期第1日賽事，何澤堯因違規打鞭而被禁賽4日。緊接古活賽期第2日，佢又因打鞭次數達8次而被罰停賽7日。

原本何澤堯計劃喺英國出賽至8月17日，但停賽禁令由8月6日起執行，直至8月26日，但最新消息指停賽期至到8月23日就會結束，雖然意味着佢已經提早結束英國客串之旅，但仍可如期參與8月24及25日喺札幌舉行嘅日本星級騎師大賽。

對此，何澤堯表示被罰停賽確實令人感到沮喪，對於習慣香港賽馬冇用鞭限制嘅騎師來說，要遵重英國賽事打鞭規矩實在唔容易。