下周四試閘　維港智能備戰短途馬錦標！

沈集成早前落實旗下短途好手「維港智能」將於9月底遠征日本出戰一級賽短途馬錦標，此駒近日喺從化有保持快操同踱步，練者表示馬匹晨操表現良好，會喺下星期返香港，並喺下周四（8月29日）試閘。成哥早前指未落實用邊個騎師遠征，相信下星期試閘嘅鞍上人就會係最終選擇。

而成哥亦指「維港智能」唔會喺香港熱身，短途馬錦標會喺此駒新季首場比賽，並期待會跑得接近。而「維港智能」遠征完日本後，就會返香港準備12月嘅國際一級賽香港短途錦標。