【札幌直擊】田泰安自爆睇住雷神嚟食　想贏埋總冠軍

世界星級騎師賽今日完成首兩關賽事，田泰安與李慕華均有馬贏，同以31分排榜首。

喺騎師賽先拔頭籌嘅田泰安表示好開心喺首天賽事領先，佢知道首關坐騎係4關之中最好，雖然排外檔起步，但出閘後決定跟住莫雷拉嚟跑，結果坐騎入直路交出好好反應，追過雷神而勝出。

田泰安表示贏馬後信心大咗，當然都想贏埋騎師賽總冠軍，希望餘下兩關攞多少少分就更好。