【札幌直擊】莫雷拉騎師賽贏尾關封王　兼符合日本客串條件

世界星級騎師賽尾關有結果，莫雷拉策騎Ezo Daimon以第3熱門身份勝出，坂井瑠星Eglantyne跑第2，武豊Amai跑第3。系列賽最終排名，莫雷拉以64分成為總冠軍，係佢繼2015年之後再次封王。

此外，日本中央競馬會早前放寬外國騎師到當地客串嘅條件，只要對上一年喺世界星級騎師賽取得前五名，即符合獲發牌資格，換言之下年又隨時見到雷神到日本客串了。賽後，雷神話賽前冇咩信心贏到騎師賽，因為同場有好多世界級騎師，而去到尾關，坐騎畀到好大驚喜，拉士追上嚟好勁，令佢再次勝出騎師賽。雷神表示已經好期待可再次參加，同時感激日本馬迷嘅支持。

至於世界星級騎師賽其他排名，前年總冠軍武豊以55分奪得亞軍，坂井瑠星51分得季軍，李慕華41分得第4名，田泰安與松田弘平同得41分，平頭成為第5名，何澤堯則以24分排第8名。而團體戰方面，今年由日本隊勝出。