千呼萬喚！黃寶妮新裝開工狂操7駒

每季有新騎師實多人留意，今季有一個新面孔，而且仲係女將，正是千呼萬喚始出來的第6位港產女騎師黃寶妮(Britney)，自然成為焦點，新季跟隨賀賢馬房學藝的她，日前由新西蘭返港，今早首度穿上賀廐黃色馬房制服及銀色帽笠操馬，充滿新鮮感，配上其招牌甜美笑容，鏡頭非常吸睛，而馬會亦有派攝製隊到場拍攝這位女見習騎師，受歡迎程度可見一斑。

然而，小妮子未夠5點已蒲頭，開工馬係「凱旋幸運」，馬名相當好意頭，其後再順序操「悠悠我心」、「快步流星」、「還看今朝」、「家樂飛駒」、「金玉良言」及未命名新馬K117，全朝一共操了7駒，俱來自師傅賀賢，清一色在內圈踱步，首朝復課操馬量都算多，體能不用懷疑，而明早馬會安排早餐會，讓黃寶妮與傳媒會面，密切留意《東網馬經》報道。