開鑼想聽Edan唱歌？750個位10分鐘秒殺喇！

馬會喺開鑼日(9月8日)邀請咗人氣男團Mirror成員呂爵安(Edan)入沙田馬場獻場，當中預留咗750個位置比公眾人士，今日（8月30日）早上10點開始網上登記，結果唔夠10分鐘就已經清晒所有飛。

不過，成功網上登記嘅歌迷又唔好咁快開心住，因為馬匹亮相圈公眾席應該冇750個位，所以馬會喺備註到寫明座位先到先得，即係要再排隊攞手帶，如果滿座就會暫停入場人士進入亮相圈，屆時就要去戶外廣場透過大屏幕觀看表演。不過，只要係歌迷嘅，邊度睇應該唔會太介意啩！