騎師王練馬師王延長「走地」時間　馬迷更易套戥

馬會日前公布，今個馬季起，「騎師王」及「練馬師王」彩池嘅即場投注時間將會延長，由以往尾三場賽事開跑時截止受注，改為尾二場賽事開跑時先截止受注。

呢項變動可以話對投注「騎師王」及「練馬師王」嘅馬迷非常友善，皆因改制之後去到尾二場次開跑時先截止受注，變相令投注人更容易「套戥」，止蝕止賺都更容易處理。而當大家習慣呢個概念之後，相信會多咗人買呢兩項彩池嘅「早飛」，直接產生正面影響，投注額上升指日可待。