【相隔5年復辦】今年騎師競跑 又係1.01倍贏呀~
2024年08月31日 17:58
東網電視
更多新聞短片
今日馬主同樂日，當然唔少得騎師競跑喇，係相隔5年再次舉行，賽前被視為大熱門，4次冠軍嘅田泰安編到後生仔黃智弘一組，未跑都知機會壓一，獨贏1.01倍唔少得呀~而新季首次在港策騎嘅見習騎師黃寶妮，就同霍宏聲一組。至於我哋冠軍潘頓，今年就文裝到場，唔跑呀，而今次司閘員就係應屆冠軍練馬師呂健威擔任。
一開始領先嘅喺周俊樂同艾道拿嘅組合，帶足30米，但臨過終點前艾道拿被馬場保特田泰安反超，最終田泰安與黃智弘第一名衝線，袋走5,000蚊獎金，今次係田泰安第5次贏得騎師競跑冠軍，賽後佢都係咁開心，走過去同老婆囡囡影相！而周俊樂同艾道拿就奪亞，有3,000蚊獎金，巴度同陳嘉𤋮則跑第3，2,000蚊獎金袋袋平安。