領先47W　呢個冠軍冇甩拖！

雖然英國平地賽馬季去到下個月19號嘅英國冠軍賽日才結束，但冠軍騎師似乎已分出勝負，喺2019至2021年直落贏3次嘅莫艾誠，目前喺騎師榜以122W大幅拋離只得75W嘅黎應揚，足足領先47場頭馬，如無意外應能第4度成為英國冠軍騎師。

莫艾誠今年為咗再度成為冠軍，真係非常出力，單計出賽數目就有554次，較黎應揚嘅444次多110次，而前兩屆冠軍布宜學今年成績一般，暫時只得62分頭馬。另外，英國馬壇神鵰俠侶馬昆、杜苑欣兩夫婦，前者成績仍算穩定，目前同樣以75W排第2名，反而杜苑欣只得48場頭馬，而年青騎師劉見龍則有70場頭馬，表現予人驚喜。