伍東希3廐出10隻最多　Pierre出足10場！

萬眾期待嘅禮拜日馬季開鑼戰嘅報名表，馬會啱啱公布喇，相信馬迷都等咗好耐，就知究竟邊個馬房最積極啦。原來係上季飲恨冠軍練馬師寶座嘅伍鵬志，合共派10駒參戰，兼且場場都有馬列正選，認真犀利，當中包括上季煞科日建功嘅「美麗第一」及「初戀」，而「獎金大少」、「江南盛」則力爭跨季孖寶，擺明想搶頭威。

另外，告東尼與希斯兩大馬房同樣亦有10駒報名，東廐則於五班田草1200米一組無馬報名，而希廐則於二班田草1400米一組無馬出。至於上季冠軍練馬師呂健威，亦有7駒報名，分別是出戰特首盃的「包裝必勝」、「水晶酒杯」及「巴閉哥」、「營造組裝」、「哈羅威」、「智勇名駒」及「金發銀發」等。