法國隆尚磨坊大賽　9駒留位卓倫谷擺擂台

星期日香港馬季開鑼，當晚雙料娛樂，有場轉播賽法國隆尚磨坊大賽，而呢場賽事，可以講為9月隆尚賽期揭開序幕，跑至10月頭就會輪到重頭戲法國凱旋門大賽。

講番今個星期日舉行嘅1600米G1隆尚磨坊大賽，雖然要到明日至公布排位，嚟到最後階段只係剩番9駒留位，據報導9匹馬都會落實參戰，雖然過江龍只得3匹英國賽駒，但就可以講係來勢洶洶，包括咗今屆雙料G1冠軍4歲新星「卓倫谷」（Charyn）、三歲馬主力「名演說」（Notable Speech），與及岳伯仁旗下「蜚聲詩界」（Henry Longfellow）。

至於上屆隆尚磨坊大賽，由主隊「法式甜酒」勝回一屆，今屆就未有參戰，反而去屆其蹄下敗將「大石」(Big Rock)及姬麗娜(Kelina)，今年繼續榜上有名，不過今年爭標主力所在，將會落响費伯華一對賽駒身上，包括來自藍營旗下「本族主義」(Tribalist)，與及表現穩定之「超酷哥」(Supercooled)。