Pierre罕有動靜唔簡單　兩大師傅輪流匯報

第9場四班1200米賽事，潘頓揀騎希廐「智智多寶」推庄伍廐「初戀」，表面上當事人覺得前駒會好啲，只是同場揀錯馬事件屢見不爽，大家屬質新份子鬥進度，何況件「初戀」話晒贏過同程，論賽績反而更勝一籌。

無論如何，均見各方人馬磨拳擦掌積極備戰，伍鵬志（Pierre）今晨也罕有地流露出搏殺動靜，7時正，安排「初戀」霍宏聲，「美麗第一」巴度兩駒出大跑道拍跳，兩駒省多一課快工夫，狀態更上一層樓，精彩鏡頭接住出現，練者少有地在機坪等接馬，再即場聽取兩位騎師匯報，緊張之情表露無遺。

另外，「美麗第一」出爭第3場一班1200米的特首盃，也是三甲份子，Pierre上季接手後5戰得3冠1亞1季，獎金未甩過拖，同隻馬個八字夾到痺，預估評分仍有上升空間，今次隨時捧走埋個盃。