最後一個月打卡機會　續有澳洲騎師星洲客串

新加坡賽馬會剛剛公布咗呢個周末，响昆士蘭省策騎嘅韋鐵樑(星譯：凱勒)，將會客串英女皇盃賽馬日，言猶在耳，再有澳洲幫獲得發牌，維省發展嘅麥鼎佳(Blaike McDougall)，將會客串埋後呢一個月星洲賽馬。

星洲方面連發兩個客串牌照，論人氣當然唔算係澳洲嘅頂流高手，至於呢住麥鼎佳，响過往香港轉播嘅澳洲賽事，都會不時見到佢嘅名字出現，但表現當然唔算好亮眼，之前於悉尼方面曾膺兩屆鄉村冠軍騎師，至2021年才轉往維省發展，並且得到莫德支持，以「安勝路」揚威G2考菲爾德短途錦標。

雖然麥鼎佳牌照响呢個周末開始生效，暫時就趕唔切入紙上陣，而本星期六客串嘅韋鐵樑，除咗「金猴」出戰G1英女皇盃，就只得另一位鄉里馬定賢，提供「林家巔峰」由其出戰。