何澤堯操馬前先入烽火台　拜訪冠軍威

何澤堯同呂健威合作成績向來都唔錯，上季呢對騎練組合合作咗113次，取得16冠10亞10季，勝出率有14.2%。

開鑼日何澤堯會為呂健威馬房策騎兩駒，「智勇名駒」同「營造組裝」，而騎者今日都有操呢兩駒。特別嘅係，騎師通常會操完馬先搵練馬師匯報馬匹情況，但何澤堯今日係操之前就已經去烽火台搵威哥商討，可見騎練嘅重視程度，開鑼日值得留意。