【獨門秘技】開鑼頭場有嘢「派」

開鑼戰第1場五班1600米，13匹參戰馬竟只得「領航傳祺」曾勝同程，「樂天派」4戰同程全敗，但兩次為上季尾低潮時所跑，曾於潘頓胯下後追第5只輸1個馬位，加上谷草1800米都好，田草1400米亦佳，無理由田草一哩唔識跑。

「樂天派」7歲已定型，近季都係季初特佳，大前季12月尾前6戰半數上名，之後3戰全敗，前季1月尾前8戰2冠2季，之後5戰只得1季，上季1月尾首6戰1冠2亞，2月後9戰無上名。而歷來在港4季初出1亞3季全上名，抖抖埋威力特佳，尤其經過上季尾減分後，今季31分新低起步，湯普新埋門試兩課大閘結果都係用田泰安，更顯戰意。■西門獨