最緊要開好個頭　丁師傅開鑼靠馬房精英

丁冠豪上季僅得12W未能達標，無奈收到從練以嚟第一封警告信，丁師傅在有限兵源下，礙於形勢部分精銳亦無謂因護級而強行催谷，影響馬匹長線發展，當中就包括上季6月中決定讓兩連勝新星「輝煌精英」提早抖暑，養精蓄銳留待新季全力搏殺。

新季丁冠豪勢要一洗頹氣，開鑼日要贏馬，就要靠廐內評分第2高，現評70分嘅「輝煌精英」响頭炮，此駒將出戰第10場三班1200米。以「輝煌精英」上季尾兩連勝俱以一放到底姿態贏馬，自然升勢未止，今仗放頭馬唔算多，相信「輝煌精英」必然重施故技，力爭跨季三連捷。