蘇偉賢擺出高姿態　戰馬加料催谷

今朝雖然是補課日，大部份有賽程的戰駒都安排到內圈踱步，不過大跑道上依然有睇頭，蘇偉賢(Chris)馬房派6駒上陣，其中3匹安排出大圈快踱加課，包括第1場「上市魅力」，第4場「多彩多姿」及第6場「勝得福」，而「多彩多姿」更加由楊明綸親自操刀，可說是戰意爆燈。

練者何嘗唔緊張，始終頭威頭勢，梗係希望有個靚開局，見佢在烽火台內舉鏡督操逐件細看，之後又踩車趕入倉仄馬，看來有晒盤算，話唔定潘一哥在頭場件「上市魅力」已可立即建功，吼實無蝕底。