【戰況R1】蘇偉賢：潘頓話上市魅力脾氣古怪

2024/2025年度馬季開鑼，第1場賽事即由上季騎師榜三甲順序包辦三重彩。蘇偉賢馬房「上市魅力」在港18戰搏極都係得個近字，終於潘頓唔放手之下，今季首戰即以大熱門身份打開勝利之門。今場跑第2名為田泰安「樂天派」，布文「富喜來」跑第3，第4名為周俊樂「電路九號」。

賽後，蘇偉賢先多謝馬主對呢匹遲熟馬畀足耐心，其實「上市魅力」上季尾表現愈嚟愈好，但總係贏唔到，潘頓亦話馬匹脾性有啲古怪，唔多肯過馬，所以開操之後喺配備變動上幫下手。自從賽程公布之後，已經鎖定「上市魅力」跑呢場，所以好早同潘頓聯絡，對方亦一口答應策騎，而返港之後對「上市魅力」嘅操練程序落咗唔少心機，雖然今次初跑一哩可能短啲，但季初跑新鮮問題唔算大，估計日後都會有增程必要。

第1場賽果：8-11-2-5

二重彩賽果：8-11(最後賠率52)