【戰況R4】新女見習騎師黃寶妮　首匹坐騎上名刷新紀錄

新女見習騎師黃寶妮，今日初試啼聲，全日一匹坐騎就是為師傅賀賢的「專家」效力，雖然成為23倍冷門，但有個好開始，角逐第4場四班田草1000米直路賽，早段留在後列，到最後200米黃寶妮力策下反應不俗，最終追入一席第3名，負於潘頓大熱門頭馬1.8倍的「舉步生風」2馬位，初次上陣表現已相當理想。翻查紀錄，黃寶妮首匹坐騎即上名，創下香港女將紀錄，之前5位女將江碧蕙、鍾麗芳、余詠詩、簡慧榆、蔣嘉琦都未能做到，今次黃寶妮堅叻叻呀！

賽後返到嚟，好多馬迷歡呼，黃寶妮仲同大家揮手，睇嚟佢真係好有人氣，希望之後愈跑愈好，成為最快開齋女騎師喇！講番今場賽果，葉楚航打開今季勝門，「舉步生風」第1、直路賽專家「不可擋」放入第2，「專家」則跑第3。

第4場賽果：1-4-10-2

二重彩賽果：1-4(最後賠率9.3)