【露露通】赤馬雄風戰力不減

馬會市場推廣部一直都想吸引更多年輕人入場了解賽馬，自然會從年輕人市場着手度橋，近年請過幾個Mirror成員入場效果唔錯，既然成功就梗係用番同一條橋，剛戰開鑼日就請到Edan，不過由開幕匯演改為尾場後先表演。一班「爵屎」等足全日，只為見偶像一面，但當日安排似乎有點混亂，雖然話第7場後沙圈會清場，但當然清唔晒，表演完結後更有粉絲喺社交平台表達不滿，又指一班早到粉絲嘅座位比遲到嘅景觀更差，又有人指自己當日守足規矩，仲小注怡情支持一下，但最後都以不愉快結束。開鑼當日話雖丁財兩旺，但係咪皆大歡喜，相信馬會官方社交平台都收到訊息吧。

第6場四班1650米，「赤馬雄風」谷草一哩已取9W，性能毋庸置疑，暑假希斯安排此駒上從化訓練，兩課試閘走勢從容，8歲馬戰鬥力不減，居四班仍有利。