【世界觀】麥劍萊一對天后夾攻

一連兩日嘅愛爾蘭冠軍賽馬日共有6場G1賽事，打頭陣嘅係只限3歲或以上馬女參加嘅馬頓錦標。呢項1600米大賽近12屆大熱門只有15年嘅「一氣呵成」同舊年「蹄起勁」以大熱身份捧盃，而且近7屆賽事竟然有成5匹冠軍獨贏係雙位數嘅半冷。

2014年憑Fiesolana勝出呢項賽事嘅麥劍萊今屆雙龍出海，安排「評酒天后」同埋「夜飛鼠」上陣，呢位出晒名訓練馬女有一手嘅練馬師，話呢對馬女狀態都處於最佳水平，跑法上好相似，都係早段稍留末段從後追上，出馬少場合對佢哋有利，另外場地愈快亦會提升呢對馬嘅戰鬥力，所以有信心可以再嘗捧盃滋味。