【世界觀】真命新帝愛上了歐洲

由藤田晉擁有嘅「真命新帝」，係自2019年「迪雅卓」之後第2匹挑戰愛爾蘭冠軍錦標嘅日本賽駒，亦係今屆賽事黑馬。

呢匹2020年法國凱旋門大賽冠軍「設計名師」嘅Full Brother，跑完今年日本打吡之後，幕後就決心挑戰世界，愛爾蘭冠軍錦標係佢踏足歐洲嘅地標戰，下月上演嘅法國凱旋門大賽係佢哋嘅終極目標。藤田晉賽馬經理安藤裕話今次係揸住「設計名師」路線圖照Copy，當年「設計名師」就係跑完愛爾蘭冠軍錦標，再出捧凱旋門。佢話「真命新帝」去到歐洲好似返到家鄉一樣，好快適應，最特別嘅係唔似其他日本馬咁揀飲擇食，好鍾意歐洲嘅飼料。近日天晴地快，安藤裕話唔可以再用場地唔理想做落敗藉口。